Sondag, 13 November 2016

Brandewynsous

Ons ou volkie is maar lief vir geurige kos en brandewyn sous kom al jare saam met ons. Bedien hierdie sous saam met enige nagereg, stroop tipe koeke en onlangs uit gevind hoe heerlik dit is saam met wafels, roomys en gevulde pannekoeke en pampoen poffers! Geniet...

Die oorspronklike resep gebruik net witsuiker. Ek het gevind dat die brandewyn beter gekomplimenteer word met die gebruik van die donkerder suiker. Damarera is ongewoon ryk en regtig die element wat hierdie sous een stappie verder neem. Maar vir diegene met 'n knap begroting sal gewone Treacle sugar ook die ding doen. 

750 mℓ (3 k) kook water
100 g (1/2 k) witsuiker
100 g (1/2 k) sagte bruinsuiker (treacle sugar)
1 duimpie vars gemmer, gekneus
2 kaneel stokkies
10 mℓ (2 t) mielieblom
15 mℓ (1 e)vlapoeier
45 ml (3 e) botter
60 mℓ (4 e) brandewyn

Plaas die gemmer en kaneel stokkies oornag in ‘n vlekvrye staal bak en bedek met kookwater.

Volgende dag verhit die gegeurde water met suiker. Laat die mengsel vir 10 minute kook. Verwyder kaneelstokkie en gemmer.

Maak die mielieblom en vlapoeier met 50 mℓ water aan en voeg by kokende suikerstroop. Kook 5 minute om te verdik. Verwyder van hitte en voeg brandewyn by.

Brandewyn kan voor bediening ook bygevoeg word as jy die alkohol element wil behou. Vir kinders sal ek dit by die kokende stoop voeg sodat die alkohol kan uitkook.


Kan in die yskas vir ’n maand gestoor word.

Bron: Annelien Pienaar, 2016, www.bosenbergguestfarm.co.za
Hoeveelheid: 500 ml

Geen opmerkings nie:

Plaas 'n opmerking