Maandag, 29 Augustus 2016

Okkerneut koek / Walnut cake / Karythópitta

Marcia Michalitsianos, van Lakithra, Kefalonia, Griekeland, het hierdie tradisionele Griekse Okkerneutkoek resep vir my gestuur. Die resep het vir ’n tydjie in my inbus gelê totdat ek skaam kry oor my versuim om dit te bak. Genade, hierdie is ’n unieke koek en het geen versiersel nodig nie. Ek het ‘’n paar aanpassings moes doen t.o.v. hoogte bo seespieël en het bietjie semolina by die beslag gesit. Semolina het die vermoë om vog te “entrap” en hou die koek dus vir langer klam. Verder stel ek voor om ook die Pampoen speserye op die blog te gebruik ipv die kaneel soos in die koekbeslag se resep aangedui. Dus, vele opsies.

Marcia se voorstel is om die koek met vars room of suurroom wat met room verdun is te bedien. Selfs in warm weer bedien hulle roomys saam met die koek. Daar is geen vang plekke of enige snaakse tegnieke nie. As jy kan lees...dan is die Kaap Hollands! Om hierdie koek onvergeetlik te maak gebruik regte botter!

Koek beslag
150 g botter
115 g strooisuiker
4 eiers, geskei
60 mℓ (4 e) brandewyn
2.5 mℓ (½ t) kaneel, fyn
300 g (3 k) okkernuete, grof gekap
140 g (1 k) bruismeel
40g Semolina, help om koek nat te hou
5 mℓ (1 t) bakpoeier
Knippie sout

Voorverhit oond na 190 en smeer ’n oondvaste bak van 26 cm x 26 cm x 5 cm diep.

Rasper die botter en verroom met elektriese klitser tot lig en donsig. Voeg dan die strooisuiker by en klits tot lig en romerig.

Voeg die eiergele een vir een by, klits die mengsel baie goed na elke byvoeging. Klits die brandewyn en kaneel by. Voeg die okkerneute by die beslag en roer met ’n houtlepel in.

Sif koekmeel en bakpoeier saam, hou eenkant. Klits die eierwitte met ’n knippie kremetart tot stywe punt stadium. Vou die meel en eierwitte by die okkernuet mengsel in.

Skep die beslag in die gesmeerde pan en bak vir 30-40 minute totdat dit gaar is. Sit die pan eenkant sodat dit effens kan afkoel terwyl die stroop gemaak word.

Stroop
600 mℓ (2 ½ k) water
500 g  (2 ½ k) suiker
60 mℓ (4 e) brandewyn
4 repies vars lemoenskil
2 kaneel stokkies

Plaas suiker, water, kaneel stokkies en lemoenskil in kastrol. Verhit terwyl jy roer sodat die suiker goed opgelos is voordat die mengsel kook. Kook vir 15 minute en verwyder van hitte. Voeg die brandewyn by en roer goed deur. Verwyder die kaneelstokkie en skil.

Sny die louwarm koek in diamant patrone en skep sous oor die koek. Vang sous op en skep weer oor koek.

English Version

Cake
150g Butter
115g Caster Sugar
4 Eggs, separated
60 ml Brandy
2,5 ml Ground Cinnamon
300g Shelled Walnuts
150g Self-raising Flour
40g Semolina, keeps cake moist
5 ml Baking Powder
Salt
Preheat oven to 190 ℃ and grease a 26 x 26 cm baking tin that is at least 5cm deep.

Cream the grated butter in a large mixing bowl until soft. Then add the sugar and beat well until the mixture is light and fluffy.

Add the egg yolks one by one, beating the mixture after each addition. Stir in the brandy and cinnamon. Coarsely chop the walnuts and add to mixture and mix them in using a wooden spoon – do not use an electric mixer at this stage!

Sift the flour with the baking powder and set aside. Whisk the egg whites with a pinch of salt until they are stiff. Fold them into the creamed mixture, alternating with tablespoons of flour until the whites and the flour have all been incorporated.

Spread the mixture evenly in the prepared pan or dish.  Bake for about 40 minutes (I took mine out at 30!) or until the top is golden and a skewer inserted in the cake comes out clean. Take the cake out of the oven and let it rest in the pan

Syrup
600 ml water
500 g sugar
60 ml brandy
3 or 4 strips orange rind
2 cinnamon sticks – not very big pieces

Mix the sugar and water in a small pot. Heat gently, stirring, until the sugar has dissolved. Bring to the boil, lower the heat and add the orange rind and cinnamon sticks. Simmer for 15-20 minutes – you’re looking for a very light/thin syrup. Add brandy and remove from heat.

Slice the (karythópitta) cake into 5cm diamond or square shapes while still hot and strain the syrup slowly over it. Let it stand for 10-20 minutes, or until it has absorbed the syrup and is thoroughly soaked through.

Author’s Tip:  The cake will stay moist for 2-3 days, provided it is covered with clear film and does not need to go into the refrigerator.    (I normally put in fridge after second day, because we eat it so slowly).


Serve as is, OR with strained Greek yogurt OR a small blob of cream cheese softened with a bit of fresh cream. Vanilla ice cream is also nice, but it is already a VERY sweet cake !!! 

Bron: Marcia Michalitsianos en verwerk deur Annelien Pienaar vir Suid Afrikaanse omstandighede. 2016.
Hoeveelheid: 24 vingers

Sondag, 28 Augustus 2016

Visvang ekskursies is nie vir sissies

 
 Geseënd is ek voorwaar. Drie wonderlike, welgeskape kinders in soveel opsigte. Persoonlikhede verskil soos dag by nag en so ook belangstellings. Ouboet is vreeslik ingestel op feite en lees baie wyd. Op die gebied van sport verkies hy ‘’n individuele sport i.p.v. ‘’n span sport. So sy keuse van sport is swem. Die middelste filistyn is weer een wat verkies om buite te wees en alle sport soorte onder die son te toets. Een wat ons nooit eens aan gedink het, was visvang. Die probleem is dat ons as ouers se opvatting van visvang nie ‘’n baie positiewe prentjie was nie. In ons dae was dit net “damduikers” met boep pense en bierblikke wat gaan visvang het om die dam. Regtig, nie ’n rooskleurige prentjie nie.

Daar kom die geleentheid by die skool vir die kinders om by ’n nuwe sport betrokke te raak. Wat besluit die kind, hy gaan ook visvang saam met die maters. Ek en my man het mekaar net so gekyk en gedink, hierdie gaan hopelik ’n stil dood sterf, want hierdie rooikop gevaarte van ons is nie mal oor vroeg opstaan nie. Gerat met ’n gehawende visstok wat die buurman vir ons leen gaan pappa en boeta na die eerste vergadering en sogenaamde klassie. Terug by die huis straal die knaap want hy het baie visse gevang. Goed, ons sal sien hoe lank dit hou. Wel, dit hou nog en hier begin die reis saam met sy provinsiale span. Ons was op ’n vlak waar die visvang by die skool net gegaan het oor wie se pappa die beste sy kind kan help om vis te ving...ja, ek dink ons as ouers is almal al deur die stryd.

Hier sit ek met die kind wat boeke verslind rakende vis spesies, knope en verskeie baie interessanthede. My kind wat nie wou lees nie, lees nou boeke wat in Engels is en my mond hang oop oor sy kennis. Ons besef die kind het talent en die skool ding werk nie, want die kinders kry nie die opleiding wat adverteer is nie. Op
’n dag ry ons Krugersdorp toe en verdwaal in ’n stegie en sonder dat ons visgerei gesoek het sien die rooikop die winkeltjie met vis goed in ’n baie swak gedeelte van die dorp. Ons stop en ek sien die lamlendige veiligheidshek en druk die knoppie en ons gaan in. Looks can be deceiving! Hierdie “gehawende” geboutjie huisves alle visvang dissiplines wat net van gedroom word. Daar is drie verdiepings met visgerei...’n Visserman se droom!

Vas sti is nie vir sissies!
Daar het die reis begin vir my kind. Ons ontmoet die voorsitter van die Sentraal Noordwes Vishengel span per toeval. Die man hoor hoe ek en die kind redeneer oor sy ram wat hy verkoop het se geld en die feit dat ek nie sal toelaat dat hy dit spandeer soos in die verlede. Hy moet kundige advies kry oor wat hy regtig nodig, want ek voel hy moet van die begin die regte belegging maak. Die man kom aangestap en stel hom net as Pieter voor en ek sien die vader wat praat in hom. Hy neem ons deur die winkel en verduidelik wat gaan vir wat en waar om eerste te begin. Ek maak lysies en neem kort video’s oor wat die man praat. Die man se passie is so begeesterend dit is ongelooflik. Hy nooi ons uit na ’n werkswinkel vir drie dae in die skool vakansie en stel voor ons koop nou niks. Hy sal ons help op die vakansie opleidingsessie. Die koeël is deur die kerk. Daardie volgende vakansie kry die kind die opleiding wat enige visserman oor kan droom. Supercast se manne kom help. Die span is ongelooflik georganiseerd en groot name in die hengel industrie kom maak die maters touwys. My kind blom, die inligting word in sy eie skrif neergepen en nie lank nie of hy kry span om vir die Penkoppe te vis. Die nasionale kompetisie is om die draai en die knapie oefen dat dit klap. Desember is dit SA’s.
Hey Dude!!! Al weer!!!

Die naweek is mamma en seun naweek, pappa is met die oudste filistyn en sussie met ander verpligtinge besig en die punte waar almal moet wees, vêr uitmekaar. Mamma reël die ander filistyne se akkommodasie en vergeet om akkommodasie in Oranjeville by die Vaaldam te reël en ons moet toe maar van Skeerpoort direk ry. Twee uur Saterdagoggend pak ons die bakkie en vat die lang pad. Dit is die eerste keer dat ek alleen so vêr in die nag ry en is maar skrikkerig. Pappa het ons op sy Tracker via satelliet en sien ons waar ons ry. Ons klim op die N3 en die bakkie se groot wiele sing op die teer. By Heidelberg begin die mistigheid, dit is baie erg, ek volg die karre se liggies. Ons bereik Villiers en die tannie met die stemmetjie sê ons moet nog verby. Ek luister natuurlik sonder om te dink en ons ry. By die volgende Villiers bord draai ons af. Ons ry, in ’n stadium verloor ons sein en bid, bid ry ek en pluk toe maar die padkaart uit.

By die volgende bordjie draai ek af op ’n baie lang grondpad, die mis is nou so erg dat jy skaars 2 meter voor jou kan sien! Ons ry stadig aan 25km grondpad. Ons kom weer op ‘’n teerpad uit wat Villiers regs wys en Oranjeville links. Ek besef toe die GPS was verkeerd, ek is tans op die pad wat ek eers moes gevat het. Ons ry soos die GPS punt wys. Ons kom by die punt aan en daar is geen pad van ‘’n dag oud nie. Ek sit moedeloos in die digte mis en donker nag en copy en paste maar weer die koördinate. Dit toon aan dat ek nog 77km het om te gaan en dit is aan die ander kant van die dam waar ek moet wees. Ek sit met ’n sinkende hart want, ek wou voor die tyd by die plek wees sodat iemand ons kan wys hoe om stroppe te maak.

So met die hart wat klop in die keel kom daar ‘’n voertuig stadig aangery en stop langs ons. ’n Luukse sedan en toe ek vinnig loer sien ek die man het ‘’n klompie visstokke langs sy sitplek en weet die persoon sal ons nie skade doen. Die man vra of ons reg is en ek vra hom of hy weet waar Moolman se visvang plek is. Hy sê dit is net paar meter terug aan die regterkant van die pad en die plek is op ‘’n boer se plaas. Ek dink by myself dat die GPS vervang moet word want ek gaan nie weer in sirkels ry nie. Ons draai om en volg die man. Ry deur die plaas hek en kom onder by die krale aan waar die hoofhek na die dam gesluit is. Ons sit so ’n paar minute en wag en Pieter, die groot indoena van S.NW. kom sluit oop en ry voor. Ons is nog steeds gehul in digte mis en jy kan nie enige bakens op die pad, of selfs paadjies sien nie, jy volg maar die manne.

In ’n stadium vang ons spoed en ry vinniger, ek voel aan die stuurwiel dat die pad meer sanderig word en draai die venster af om na die grond te kyk. So tussen die misbolle deur, voel dit of my oë my bedrieg, want dit lyk soos ’n moeras gebied en die vis karkasse lê oral gestrooi. Ek maak die rooikop wakker en vra hom of ek reg sien. Ek begin stadiger te ry in die konfooi van 4 voertuie waarvan ek heel agter is. My kennis van plaaslewe het my paar goed al geleer, as jy dik sand kry, ry met respek, as die sand begin nat word, is jy in ‘’n vlei. Ek begin nog stadiger te ry en my instink vertel my dat iets nie pluis is!

Die volgende oomblik speel soos ‘’n fliek voor my af, ewe skielik is daar ’n helder kol waar daar nie mistigheid is nie. Die voorste voertuig tref die water op ’n redelike vinnige spoed en dit lyk soos ‘n mini Tsunami golf wat oor die Landcruiser trek. Ek besef nie mooi wat aangaan. Ek stop dadelik en gooi lig op die probleem. Ek klim uit en tot in my enkels in water. Ek spring terug en weet ek moet nou dadelik uit die moeras. Trek agtertoe totdat ek ’n droë kol kry en klim uit en gaan vra of ek kan help. Die man met die luukse voertuig jaag soos ’n ridder op sy swart perd weg, spoorloos, en ons drie 4x4 voertuie staan met ons ligte na mekaar. By nadere ondersoek het Pieter in die Vaaldam ingery! Die sleepwa se gewig trek die agterwiele in die modder in en die bakkie lê op sy as vas.

Die tweede voertuig is ook ’n Landcruiser en so begin die tog om die ander Landcruiser uit te trek. Binne ’n japtrap is die Cruiser uit en ons beweeg versigtig. Wat ons toe nie besef nie, ons is letterlik in die maag van ’n kom en Pieter ry wraggies weer in die laaste been van die kom in, sit weer vas. So besef ek net hoe gevaarlik digte mis kan wees. Ek hou my afstand en bly verkieslik op die enigste klein stukkie droë grond. Ek klim uit om te voet te kyk hoe die terrein daarna uitsien. Ek besluit om die bekwame manne uit te los en self hoër op te karring tot ek iewers ’n teken van ’n pad sien. Na wat ’n ewigheid gevoel het, is ons op beter terrein en vind ’n pad. Klim uit en kyk na die spore en sien dit gaan in ’n noordelike rigting, stadig maar seker ry ons totdat ons by Moolman se gat kom en die ander mense kry.

Ons dag begin in aller yl en die spanne word ingedeel. Die kinders pak hul goedjies uit en die nodige aas word aangemaak. Ek skink tee vir ons twee en so in die koue sit ons tweetjies lag oor al die stres vanoggend. Vinnig help rooikop se spanmaat vir die dag, Tertius, hom om ‘’n paar stroppe te maak en nie lank nie of die twee knape kuier soos ou vriende. Die dag verloop lekker rustig en die mis verdwyn teen tienuur. Maar nou kom daar net een probleem...moeder het ’n piepie groter as die Vaaldam en geen toilet insig. Nie ’n bossie of ’n boom insig nie. Nee, niks! Wat de hel nou? Die dorp is seker so 45km vêr en die ergste is ek gaan nie dit maak om so vêr te ry nie. Heel benoud trippel ek rond en diskreet begin ek die dames vra of hulle wis van ’n plekkie? Hulle lag so dat die trane loop. Die eerste dame vra my of dit my eerste keer hier is...wel, hulle het my natuurlik na die tyd lekker verpes. My inisiasie as nuwe toe treder moeder tot visvang is ingewy. Eenkant in ’n tent met ‘n draagbare toilet vir die dames en...wel...ek was vreeslik dankbaar oor daardie primitiewe en effektiewe bostoilet!

Met daardie krisis uit die weggeruim kom ek terug by die twee vissermanne en ek kan duidelik sien die rooikop se moer meter is deur die dak. As sy lippe so dun opmekaar gedruk is, weet ek hier is moleste. Ek het nie lank om te wonder wat die storie is nie. Die een groot geheim van visvang is die feit dat jy so reguit en sekuur as moontlik moet gooi. Maar eish...die knapie langsaan het nie ’n idee van cast. Hy gooi so skeef dat 6 lyne op ’n slag gekoek word. So hou dit aan vir ’n paar uur, nie een keer kom die man om sy gemors met die ander vissermanne reg te maak. Die kind het die koddigste lyfie en ’n attitude wat stink. Hy hengel op sy eie en blykbaar was die pa besig om by die seniors sy eie kompetisie te vang...seker maak gedink hy kan ons kom pla as wat dit sy probleem gaan wees. Dit het soos ’n Leon Schuster fliek gevoel, elke keer as rooikop en sy maat hul nuwe lyne gelaai het in ingegooi het, doen die knaap mos ook so. Dit is asof die kinders se merkers waar hul ingooi, vir hom ’n magiese aantrekkingskrag het. Hy gooi mooi dwars oor hul lyne. Dan sien hy die kinders kyk hom skeef aan en dan doen hy nog die ergste, hy trek weer sylyn uit en trek hul goed saam. Do het dit aangehou en aangehou, totdat die een senior seun besluit het, tot hier toe en nie vêrder nie!

Hy het die kind se lyne gesny en sy stokke konfiskeer. Hom opdrag gegee met die verduideliking in boere Engels: “This is not on man, you are going to get klapped so hard, you will cry for your mother!” Die kind het onder toesig kolgooi geoefen.

Die knaap staan kop onderstebo en die junior vat sy stokke en laat hom langs hom staan en hy moet kolgooi oefen. Dit is vir my die mooi van die sport, daar is nie die hengse wen motief soos met rugby nie, almal help almal. Daarna het die kinders so ’n uur nog lekker vis getrek en ons het nog ’n klas of twee tussendeur gehad.


Soos die Ingelsman sou sê: “I am hooked!”

Donderdag, 25 Augustus 2016

Tamatiesmoor / Sheba / Chakalaka

Een van die veelsydigste souse in my versameling geblikte produkte op my spensrakke. Hierdie sousie kan vir soveel disse aangewend word. Vir pasta as ’n gladde of growwe sous, hier kan jy besluit of jy die sous wil puree of grof hou. Dan vir papterte of sommer gewone putu pap is dit ook perfek. Dink aan frikkadelle met hierdie heerlike sousie oor of sommer net so oor Franse roosterbrood vir ontbyt. Die lys hou net eenvoudig nie op nie!

Blansjeer: Sny kruisies op tamatie se boudjies en plaas tamaties in kokende water vir 3 minute, dompel dadelik in koue water en trek skilletjies af.

2 kg rooi, ryp tamaties, blansjeer (skil verwyder)
1 kg ui, gekap
1 bossie selderystingels, gekap
5 soetrissies, ontpit, gekap (Green peppers)
1 rooi rissie, ontpit, gekap
l ℓ (4 k) witasyn
1 kg (5 k) witsuiker
15 mℓ (1 e) vars gemmer, gerasper
45 mℓ (3 e) mielieblom
100 mℓ water
45ml (3 e) mosterdpoeier
30ml (2 e) fyn, knoffel
15ml (1 e) gegeurde sout (sien afdeling op blog)
peper na smaak

Kook asyn en suiker saam totdat die suiker opgelos het. Voeg die tamatie, uie, soetrissie, rissie en seldery by en kook vir 30 minute sodat die uie kan sag word.

Maak al die bestanddele wat oorgebly het met water aan en roer by die kokende tamatie mengsel. Kook vir 15 minute tot verdik en geur met ekstra sout en peper na smaak.

Bottel dadelik in warm gesteriliseerde glas houers.

Bron: Annelien Pienaar, 2016, Preservering klasse: www.bosenbergguestfarm.co.za

Hoeveelheid: 4.5kg 

Sop en Bredie Kruiesout

Daar is niks wat kom by die geur van sop, maar om daardie sop ekstra spesiaal te maak gebruik ek hierdie kruie en speserye kombinasie. Dink aan 'n stukkie braaivleis wat ingevryf is met hierdie sout en ekstra olyfolie of 'n bredie met so 'n skeutjie by? Hierdie mengsel maak ook ’n pragtige geskenk vir kuiergaste!

100 mℓ Selderysout
50 mℓ Neutmuskaat
50 mℓ Rissie poeier
50 mℓ Knoffelpoeier
200 mℓ Gedroogde Origanum
50 mℓ Uie poeier
100 mℓ Sagte bruinsuiker
50 mℓ Vars gemaalde swartpeper

Meng al die bestanddele saam en stoor in lugdigte houer weg van direkte sonlig.

Gebruike
Sop: 15 mℓ mengsel per liter
Bredies: 15-30 mℓ per kg vleis
Braaivleis snitte: gebruik soutpotjie en skud sout oor vleis (voeg ook dan vir die resep 50 ml gerookte paprika by)

Bron: Annelien Pienaar, 2016, kookklasse: www.bosenbergguestfarm.co.za
Hoeveelheid: 500ml sout


Woensdag, 24 Augustus 2016

Tamatiesous

Ons het as kinders preserveermiddel-vry grootgeword weens ’n diabeet sussie wat amper vir alles allergies was. Moeder het baie moeite met ons kos gedoen en almal was maar verplig om gesonder te leef. Met hierdie resep het ons grootgeword en tot vandag toe maak ek vir ons huis. Die suiker kan wel vervang word met kunsmatige versoeters, ek gebruik persoonlik vloeibare Natreen wat glad nie ‘’n nasmaak gee. Ongelukkig moet jy proe soos jy werk. Die ander nadeel van die kunsmatige versoeter is dat die rak lewe van die produk nie so lank is nie, daarom is dit belangrik om die produk in die yskas te stoor.

Eerste kooksel
5 kg rooi ryp tamaties, blansjeer
1.5 kg uie, gekap
4 selderystingels, gekap
3 e fyn knoffel
1 k water

Kook al die bestanddele saam totdat die uie en tamaties sag is, neem ongeveer 60 minute.

Puree bestanddele in klein porsies en dreineer die sap deur ’n growwe sif. Gebruik die agterkant van ’n houtlepel om die moes deur die sif te vryf. Die gladde mengsel word nou by die tweede kooksel gevoeg.

Die pitte en vesel word nie verder gebruik nie. (Ek sal dit vries om sheba of tamatiesmoor mee te maak)

Tweede kooksel
1 l (4 k) asyn
600 g (3 k) suiker of vir diabete (3-4e) Liquid Natreen
100g tamatiepuree
1 k appelkooskonfyt
1 t neutmuskaat
1 k water
1 e sout
1 t fyn peper

Voeg die eerste kooksel by die tweede kooksel se bestanddele en kook die mengsel oor hoë hitte, vir ongeveer 60 minute om dik te word. Haal van hitte af en laat 10 minute afkoel voordat dit gebottel word.

Bottel die produk in gesteriliseerde flesse en draai bottel op sy kop. Dit help die stoom wat moontlik in die deksel vog vorm, om nie bakterieë in te laat groei nie. Met die omdraai slag sal die vog wat gevorm het eweredig versprei.

Bron: Annelien Pienaar, 2016, www.bosenbergguestfarm.co.za, preservering klasse.

Hoeveelheid: 2.5 liter tamatiesous

Dinsdag, 23 Augustus 2016

Eiervrug Pizza’s met ‘n Twits

Ek het nie groot geword met eiervrug nie, maar met die jare se verloop kom die eienaardige maar ongelooflike mooi vrug oor jou pad. My Indiese vriendin Naceema Patel het my geleer om eiervrug gaar te maak en te eet. Onlangs kry ek ‘n vegaan in die gastehuis en die res van die gaste bestel pizza, wel toe kry sy pizza met ‘n Twist!

2 eiervrugte, wiele van 2cm gesny
20 ml sout
500 g mozzarella kaas
250 g spinasie, gekook, fyn gekap
250 g tamatiesmoor
250g spek, fyn, gaar
100 ml broodkrummels, gedroog
sout en peper na smaak

Sny die eiervrug in 2cm skywe en sprinkel aan beide kante van die snye met die 20ml sout, jy kan meer gebruik indien verkies.  Laat dit staan vir 10 minute. Ons doen dit om die bitter sappe te onttrek. Spoel dan die vrug af onder lopende water en druk droog.

Plaas ‘n eetlepel tamatiesmoor op elke skyf, daarna gevolg met spek en laaste die spinasie. Sout en Peper die skywe.

Sprinkel ‘n eetlepel broodkrummels per skyf en laaste rond af met mozzarella kaas.

Bak by 190℃ vir 20 minute of tot goudbruin en heerlik bros. Bedien warm. Ouma Hantie se Knoffelroom sousie op die blog sal perfek met hierdie happie werk.

Bron: Annelien Pienaar, 2016, gesonde kos klasse: boerekostwist@gmail.com
Hoeveelheid: 6 porsies

Saterdag, 20 Augustus 2016

Die Begrafnis en die Sykouse....

Ek nou maar een maal ‘n tradisie vaste vrou as dit by kerk dinge kom. Ek trek nog sykouse aan in die winter met netjiese skoentjies. My boesems word netjies verdoesel en peul nie uit in die kerk. My rok lengte is van ‘n aanvaarbare lengte. Dus, klassiek en eentonig. Vir begrafnisse is dit swart en wit want vir my is dit die kleur van rou. Dit is maar hoe dit met my werk.

Die betrokke dag is dit die begrafnis van ‘n vriendin wat met haar lewe moes betaal teen rowers. Ek het tien duisend takies om af te handel voordat ek vertrek na die diens. Tussen bad en hare soek ek klere. Kry my pakkie klere reg, skoene en kouse. Die pakkie is ‘n rokkie wat tot op die knie hang en ‘n snyers bloesie onder aan. Klaar die hare en dingetjies gedoen en trek aan. Laaste die sykouse en skoene. Tyd staan nie stil en ek moet nog die seuns gaan oplaai vir die diens. Dit is weer ‘n ander kommer want jy moet stap en uitteken. Goed, so speel die dag se dinge wat nog moet gebeur voor my af.

Ek is so in die gedagtes vas gevang en konsentreer nie op die aantrek van die kouse en daar met die optrek van die kouse skeur ek die kouse dat die spoortjies sommer so op en af hardloop. Ag flippen vy! Hemel behoede my wat nou? Dit is my laaste heel paar kouse. Ek dink altyd aan my ma se vermanings oor: “Hou altyd ‘n toe pakkie kouse in jou laai”. Dankie ma, ek mis ma se wyse woorde. Met die gate en al jaag ek na Harties se naaste winkel en doen soos ma gesê het. Koop twee pakkies kouse. So in die haas vat ek die ene wat M wys op die M rakkie, gryp toe sommer twee direk agter mekaar. Goed dit sal mos pas!

Ry na die hoërskool toe en bid, bid hol ek die stegie op na die personeel se kleedkamers en trek gou die nuwe kouse aan. Ook maar goed ek het beide pare ingepak. So met die haas leer ek weer ‘n verdekselse kous, die keer my een groot toon se skewe nael wat die kous haak. Ek het klip hard die F woord gebruik en die volgende pakkie kouse uitgehaal. Daar sit ek! Met bewende hande draai ek die pakkie om en ja, die kouse is nie dieselfde nie en die grootte wel tien keer my size. Dit is van daardie soort wat die prostetute sal aantrek...Pik, git, swart soos ‘n pot se gat, met sulke groot visnet gate. Ek sit en staar na my lang been hare wat ‘n week gelede laas geskeer is. Kaal bene kan ek nie waag om te gaan nie...wel dit was ‘n sterk opsie gewees...maar helaas niet! Sluk sussie, sluk, tyd vir paniek aanvalle is daar nie, tel jou lip op en kry klaar.

Gedwee trek ek die kouse aan, hel dit was nog die maklikste proses van die dag, glip sommer aan. Geen wonder die dames verkies die kouse. My oë kry behoorlik seer om na die ruitpatroon te kyk, maar ja, ek moet nou maar die kop optel en hol. Die lang been hare wys gelukkig nie! So met die stap na die kantoor kan ek sien die ontvangsdame rek omtrent haar maer nekkie 'n entjie langer as die van 'n skilpad, om my te bekyk! Ek trek net ‘n skewe gesig en vra vir die seuns. Ons vertrek na die kerk. Diep in my hart bid ek die kinders sien nie my verleentheid nie! Ag, Vader van genade met die uit klim slag kyk ouboet my aan en sy maat bars uit van die lag en beide sê amper gelyk: “Dit is cool kouse!”. So stap ons die kerkbinne, die ys gebreek en vergete is die kouse episode!

Wat leer ek....koop sommer baie kouse vir die wis en die onwis!

Gemmerkoekie en Karamel yskas tert

My ma kon hierdie tert so mooi versier het, ek dink as sy aan bak kompetisies moes deel geneem het, sy keer op keer los hande sou wen. Sy was ‘n stil en privaat mens. Sy het gegee aan die gemeenskap, maar nooit gekuier in die gemeenskap. Op haar plekkie het sy haar ding gedoen en die deur vir alle “af-vlerke” was altyd oop. Ja, almal het geweet Hantie se deur is altyd oop en die yskas propvol lekkernye.

Met hierdie resep het ek geleer om room te stabiliseer sodat dit sy vorm behou deur gelatien by die mengsel te klop voordat dit ingevou word. Hierdie tegniek is ook van toepassing as jy room as versiersel op koeke wil spuit en wil voorkom dat dit sal smelt by kamer temperatuur. 

Kors
100g Gemmerkoekie krummels
4e Klapper, fyn
3e Gesmelte botter

Metode:
1. Meng die bestanddele saam en druk in tert bak van 23cm deursnit. Vierkantig sal ook werk.

Vulsel
15 ml Gelatien opgelos in 125ml kookwater, afgekoel tot stroop dikte
125 ml (½ k) Room, yskoud
380 g Karamel treat
250 g Room kaas, nie maaskaas
5 ml Karamel geursel
125 ml Strooisuiker
100g Pekans, gekap

Metode:
1. Smelt die gelatien in kookwater en laat dit dan afkoel tot die dikte van stroop of lou warm. 

2. Plaas die room en strooisuiker in ‘n dieperige bakkie en voeg ongeveer 4e gesmelte gelatien by en klop die room styf. 

3. Meng die karamel, roomkaas, geursel, gelatien saam tot glad en romerig. Vou die room by.

4. Skep in tert bak. Sprinkel bolaag met pekans

Karamel laag
175g Sagte Bruinsuiker (Treacle sugar)
75g Botter
110ml Room (plaas room is die beste)

Metode:
1. Smelt botter en suiker oor lae hitte totdat die suiker gesmelt het. Verwyder van hitte en voeg die room in ‘n dun straaltjie by en kook oor matige hitte vir 2 minute terwyl met ballon klitser geklits word.

2. Giet oor koek en laat afkoel..

Bron: Annelien Pienaar, 2016, Kook klasse: boerekostwist@gmail.com
Hoeveelheid: 1 x 23cm tertbak genoeg vir 6 porsies

Donderdag, 18 Augustus 2016

Sjokolade Mousse / Chocolate Mousse

Veerlig en dekadent. Die geure wat jy kan inbou in hierdie nagereg is oneindig. Jy kan alkohol basisse soos Amarula, Gemmer brandewyn, Contreax en vele meer inbring. Koffie is ook ‘n heerlike opsie, asook fyn gekapte sout neute....Indien jy die mousse in verskillende kleure wil maak en as 'n lagies koek wil aanbied verhoog die gelatien na ongeveer 5ml meer as in die resep gevra. Doen elke laag 'n uur uit mekaar sodat die lagies ferm is voordat die volgende opgesit word. 

Nota oor smelt van sjokolade: Kap die sjokolade stukkie baie klein op en plaas in dubbelkoker en laat die water saggies kook, nie borrellend nie. As daar ‘n water druppel in die mengsel kom, gaan dit sulke stukke maak en lyk of dit skif. Hou by ongeveer 55℃.

Resep
2 Eiers, geskei
50g Strooisuiker
100g Sjokolade van keuse: wit, karamel of donker, Gesmelt
10ml Gelatien poeier
60ml Kookwater
125ml Room, sagte punt
40g Neute, opsioneel

Metode:
1. Voeg gelatien by kokende water en roer tot opgelos. Indien nie opgelos, plaas houertjie in kokende water en hou aan roer tot gesmelt. Laat eenkant om af te koel tot so dik soos eierwitte. 

2. Klits eiergele met stooisuiker tot lig en donsig.

3. Voeg die gesmelte sjokolade by die eiermengsel en klits deeglik. 

4. Klits die gelatien by.

5. Vou styf geklitste room by die mengsel in.

6. Klop die eierwitte styf en vou met nuete by die mengsel in.

7. Skep in vooraf verkoelde bakkies. Verkoel vir ten minste 60 minute.

English Version

Recipe
2 Eggs, separated
50g Castor sugar
100g Chocolate of choice: white, caramel or dark, Melted
10ml Gelatine powder
60ml Boiling hot water
125ml Cream, lightly whipped
40g Nuts, optional

Method:
1. Add the gelatine to hot water and stir briskly until dissolved. If not dissolved, reheat by placing the container of gelatine in boiling hot water again. Let it cool till thickness of egg whites.

2. Beat egg yolks and sugar until creamy.

3. Add chocolate to the yolk mixture.

4. Beat the cooled gelatine into the chocolate mixture and fold the cream in. 

5. Beat the egg whites until stiff and fold into the mixture along with nuts if using any.

6. Pour into chilled moulds and refrigerate.

Bron: Annelien Pienaar, 2016, Gelatien klasse: boerekostwist@gmail.com
Porsies: 4

Maandag, 15 Augustus 2016

Franse Hoender en Ui-Briedie

 Wat kan ek sê oor Die #EEN? Die dag toe ek die boek ontvang was dit ‘n groot gedoente in die Pienaar huishouding. Ek was nie tuis ten tye van die aflewering nie en manlief het namens my die pakkie ontvang en oop gemaak. So kom die whatsapp deur: “Franse brood, Gruyere kaas, spinasie asb”. Ek dink toe, manlief is seker lus vir lekker kos en koop die items op sy lysie. Groot is die glimlag toe ek tuis kom en hy gee my ‘n vetdruk en lekker lang soen. Hy wil vanaand vir ons kook...my man, hy KOOK NIE, behalwe as hy kwaad is! Ek dink by myself:”Pappie is in die moeilikheid...wat se geliefie, diefie is dit die?”. 

Daardie aand het ons lekker geëet uit DIE #EEN! Na afloop van die ete bring hy die boek te voorskyn met 'n breë glimlag en sy woorde: “Baie dankie vir ‘n manne boek!”. Toe lag ek te lekker...hierdie boek het sowaar my man aan die kook. Hy het baie maklik en vinnig die gereg aanmekaar gesit, min skottelgoed en beste van alles: hy is gemotiveer om elke week ietsie uit die boek te toets. Die bestanddele is nooit meer as 12 items op die lys, bekostigbaar en kan met alledaagse bestanddele gemaak word. 

Die resepte boek kry my “stamp of approval” oor die feit dat die disse eenvoudig, kort en kragtig is. Ek hou van die Urban en effense Retro gevoel van die teks en uitleg. Die hele gesin kan van die boek gebruik maak en ja, selfs die kinders kan hierdie boek gebruik. As ek dink aan studente en jongmense is hierdie die perfekte boek om in hul versameling te hê, veral as hulle op knapsak begrotings werk. Vir iemand wat in ‘n klein plekkie woon sal hierdie boek definitief ‘n groot aanwins wees, weens die feit dat min toerusting nodig is. 

Daarom liewe leser, Kersfees is om die draai en die boek sal ‘n perfekte persent wees vir al jou geliefdes en jouself inkluis! 

My slotsom: die boek is kortpad, prakties, sakpas, tyd besparend en alles omvattend om 'n volledig maaltyd vir jou gesin op die tafel te sit.

Dankie Callie en Mari-Louise vir nog ‘n spog boek!

Resep
Die resep wat ek gekies het om ‘n resensie oor te doen is die einste een wat my man gemaak het. Die resep is ‘n kruising tussen ‘n Franse Uie sop en ‘n eenskottel vleis gereg, al die disse waarvan ek hou in een! Die kersie natuurlik op die koek...die franse broodjie met die ekstra kaas op, gerooster tot bros. Skep die sousie en die vulsel sommer so uit die bak! 

Ek het lank na my man se keuse vir ‘n dis gekyk en tot die gevolgtrekking gekom dat dit letterlik binne 30 minute gemaak en bedien kan word. Dus, die man het met ‘n plan gewerk. Ek het nie oorskiet hoender gehad vir die dis nie en toe oorskiet bees lende skywe van die braaivleis gebruik en die gereg is nogsteeds ‘n treffer. Hierdie is een van daardie resepte met vele variasies...dink uit die “boks”. Ek sien ‘n maaltyd wat maklik vir 50 gaste in individuele porsies bedien kan word. Weereens, sakpas en pragtig!

Vulsel
125g Botter, gesmelt
2e (30ml) Olyfolie
6 Uie, medium, in skyfies gesny
2 Knoffel huisies, gekap
2 Lourier blare
2 Takkies vars tiemie, gebruik slegs die blare
Sout en peper na smaak
¾ k (190ml) Wit wyn
1e (15ml) Sagte Bruinsuiker
3e (45ml) Koekmeel
4k (1liter) Hoender aftreksel of groente aftreksel
½ Hoender, gaar oorskiet vleis (Variasie: 450g Bees lende braaivleis)
100g Spinasie, gesnipper
½ Franse brood, dik skywe
½ k (50g) Gruyerekaas, gerasper

Metode:
1. Meng die botter, olyfolie, uie, knoffel, lourierblaar, wyn en suiker in ‘n groot kastrol.

2. Bak vir 10 minute in die oond, roer dit een keer deeglik deur en bedek met aluminiumfoelie. Bak vir nog 20 minute, of tot die uie baie sag gekook en gekarameliseer het. 

3. Sprinkel meel oor die gereg en roer dit deeglik daarby in. Voeg die aftreksel, hoender en spinasie by, bak vir verdere 10 minute. Skakel nou die oondrooster aan.

4. Rangskik die snytjies brood op die bredie en sprinkel kaas oor. Oondrooster onder element vir 4-5 minute tot die kaas lekker borrel.

5. Bedien warm.

Bron: Een Pot, Een Pan, Een Bakplaat, 2016, Mari-Louise Guy en Callie Maritz, p.67, Uitgewers: Human en Rossouw.
Porsies: 4-6

Koeksisters met koue stroop


Happies sonskyn, liefde en eenvoud...alles in een. Ek dink as daar nou een mens is wat sou kon dig oor hierdie lekkerny sou dit my oorlede moeder gewees het. Sy het die mooiste en wydste Afrikaanse woordeskat gehad. Lief gewees vir ons Afrikaanse litteratuur en wel belese. Met haar fyn geaardheid het sy die kuns vervolmaak om die perfekte koeksister te bak. As ek dink aan die hoeveelheid koeksisters wat uit daardie kombuis verkoop is, dan sou jy seker ‘n paleis kon koop. Maar nee, daardie geld het ons kinders deur ‘n geleertheid gesit, die beste erfporsie wat enige ouer ‘n kind kan gee. 

Met my ma se nalatenskap van haar koeksisters het ek ook die weelde van herinneringe aan die bakproses. Ons het ‘n honderd dosyn koeksisters op ‘n slag gebak. Daarom het vadertjie vir moeder al die nodige toerusting vir die proses gemaak. Ma het stoompotte gehad waarin die strope gevries was. Pappa het ‘n ronde drukker gemaak van vlekvrye staal siwwe, met ‘n stewige handvatsel om die koeksisters af te druk in die koue stroop en te hou. Dan keer jy die koeksisters op die druprakkies uit en word dan dadelik verpak as dit droog gedrup is. My werk was die sny van die koeksisters met die wielietjie snyertjie en dan kom ouma Joyce en my sussies om die twist werk te doen. Ja, ons moes bene toeknyp dat dit klap. Want bekkige ouma Joyce het gereken hier is nie “rooilig vrouens” in die kombuis nie. Dus, elke oop been koeksister was R1 teen jou naam! Ons het hard gewerk en lekker gebak. Tye wat jy nooit sal vergeet en bande wat tot die dood toe gesmee is. Ouma Joyce is die huishulp wat moeder van die lande gekry het. 

Moeder het haar leer lees en skryf, ouma Joyce is baie slim en het gou-gou soos ma kos gemaak. Vandag is sy my lopende resepte boek en ek bel haar gou-gou as ek iets nie onthou. Ja, kosbaarder as korale is ouma Joyce vir ons dogters...’n ma en ‘n bondgenoot soos min.

Resep 
Stroop
900g Wit suiker
380g Water (ja, jy het reg gelees, water in gr en ml is dieselfde)
2ml Kremetart
1 Kaneel stokkie
1 Toontjie gemmer
5ml Karamel geursel

Deeg
480g Koekmeel
50g Botter of Bake Margarien
2 Eiers, geklits
125ml Melk
125ml Water
6t Bakpoeier
½ t Sout
1 liter Olie

Metode:
1. Begin om die stroop die dag voor die tyd te maak en hou in die yskas of beter nog, die vrieskas as dit somer is. 

2. Verhit suiker en water in diep kastrol oor medium hitte. Die stroop mag nie kook voordat al die suiker nie opgelos het nie. Was die kante van die kastrol met ‘n nat kwassie en water af. Of jy kan eenvoudig net die deksel opsit sodat die stoom die kante kan was! Sodra al die suiker gesmelt het, kan die hitte verhoog word en die res van die bestanddele bygevoeg word. Kook dan vir presies 5 minute. Moenie die stroop roer as dit kook nie. Onthou ook. As jy die resep vermeerder moet die tyd elke keer met 5 minute per inkriment verhoog vir die kook van die stroop. Dus as jy met 2 dubbel op die resep moet die stroop 10 minute kook...en as jy met drie maal...15 minute. Dit is die goue reël om die perfekte koeksister stroop te kry en jy sal nooit ‘n pap koeksister kry.

3. Maak van koeksister deeg: Sif al die droë bestanddele saam. Vryf die botter met jou vingerpunte in. 

4. Meng die melk, water en eier saam. Meng in die deeg en knie liggies vir 2 minute. Laat die deeg vir 60 minute rus.

5. Rol die deeg op ‘n olie besmeerde oppervlakte uit tot ‘n dikte van ongeveer 1cm. Sny dan repies soos jy sou verkies om koeksisters te vou, draai of vleg. Werk vinnig want die koeksisters moet nie te lank staan voordat dit gebraai word.

6. Voorverhit olie na 180℃ of toets die olie deur ‘n bolletjie deeg in te gooi. As die bolletjie dadelik opkom is die olie gereed. Soos jy die koeksisters optel, maak seker jy tel dit aan die toe geknypte kant op en knyp ekstra om die bene toe te hou. Braai die koeksisters bruin aan beide kante. Skep direk in koue stroop en druk die koeksisters tot onder in die stroop en hou ingedompel vir 2 minute.

7. Haal koeksisters uit en laat afdrup. 

8. Ou stroop kan opgevang word en weer verkoel word vir latere gebruik. Maar doen dit net een maal anders word die stroop met die olie galsterig. 

English version
Syrup
900g White Sugar
380g water (Yes! You read correctly, water in g and ml are the same!)
2ml Cream of Tartar
1 Cinnamon stick
1 x 2,5cm Stem of fresh Ginger
5ml caramel flavouring


Dough
480g Flour
50g Butter or Bake Margarine
2 Eggs, whisked
125ml Milk
125ml Water
6t Baking Powder
½ t Salt
1 litre Oil


Method:

1. The first step is to make the syrup the day before. This is most important, and to keep it in the fridge or even better, in the freezer if it is summer time.

2. Heat the sugar and water in a deep saucepan over medium heat. The syrup should not boil until all the sugar has dissolved. Wash the sugar crystals from the sides of the pan with a wet brush. Or, you could simply place the lid on the saucepan for a minute or two, so that the steam can wash the sides! Once all the sugar has dissolved, the heat can be increased and the remaining ingredients are added. Boil for exactly 5 minutes. Do not stir the syrup while it is boiling. Also remember, when you increase and multiply the recipe, the time increases each time by 5 minutes per increment, for the boiling of the syrup. So if you double (2 times) the recipe, you have to boil the syrup for 10 minutes... and if you're increasing by three times ... boil 15 minutes. This is the golden rule to get perfect koeksister syrup, and you will never have a soggy koeksister.

3. To make the koeksister dough.  Sift the dry ingredients together. Rub the butter in with your fingertips.

4. Whisk the milk, water and egg together. Add to the dough and knead gently for 2 minutes. Allow the dough to rest for 60 minutes.

5. Roll the dough out on a surface greased with oil, to a thickness of 1cm.  Cut into strips to your desire, to either twist or to braid. One must work quickly as the  koeksister should not stand too long before frying.

6. Preheat the oil to 180°C or test the oil by gently dropping a ball of dough into it.  If the ball rises to the surface immediately, then the oil is ready.  Pick the koeksister up from the end that has been pinched together. Give it an extra pinch to make sure the ends do not open while frying.  Fry the koeksister on both sides until golden.  When fried, then immediately dunk them into the ice cold syrup. Keep then completely submerged in the syrup for 2 minutes.

7. Remove the koeksisters from the syrup and place on a cooling rack to drip off the most syrup. The rack should be in a tray to catch the syrup.

8. This syrup can be reused only once after it has been refrigerated again, because the oil in the syrup will go rancid.


Quantity:  48 Small koeksisters
Bron: Annelien Pienaar, 2016, Deeg klasse: boerekostwist@gmail.com





Bron: Annelien Pienaar, 2016, Deeg klasse: boerekostwist@gmail.com
Hoeveelheid: 48 Klein koeksistertjies.

Dinsdag, 09 Augustus 2016

Indiese Hoender kerrie met Pêrel gort / Indian Chicken Curry with Pearl Barley

Hierdie dis is my 25min gereg as ek moeg tuis kom. Ek het in die gewoonte gekom om die Pêrelgort of te wel, Koring soos rys gaar te stoom. Dan vries ek dit in kleiner pakkies en gebruik soos nodig. Ek dink baie van ons wat besig skedules het, is gesonde kos soms ‘n luukse en ook om die tyd te vind om dit te maak. Wel, ek het so deur die jare ‘n doelbewuste besluit te neem om min tot geen pakkies kosse of blikkies kos te koop. Ek lees elke voedsel etiket baie deeglik om te weet wat in my liggaam gesit word. Hierdie dis is vinnig, maklik en ook ekonomies. Jy kan luuks wees en items byvoeg of vervang soos klappermelk met gewone melk of room. Die opsies is oneindig. Soms gebruik ek net die pêrel gort vir 'n slaai met bietjie vleisies en slaaisousie by...gesond is lekker.

Pêrel gort
500g Pêrelgort, droog
1 liter water
5ml Sout
25ml Olyf olie
1 Ui, fyn gekap
1 Rooi soetrissie, fyn gekap

Metode:
1. Kook die water met sout en voeg die Pêrel gort by. Kook vir 15 minute en spoel deeglik af. Kook weer 15 minute en spoel deeglik. Kook dan verder soos normaal. Indien jy nie tyd het vir die proses nie kan jy die alternatief doen. Plaas die pêrel gort oornag in koue water en spoel deeglik die volgende dag. Dit neem 10 minute om dan gaar te kook. Spoel af en gooi bietjie olie oor om te voorkom dat die pêrel gort aan mekaar vasklou.

2. Braai nou die ui en soetrissie liggies en voeg dan die pêrel gort by en braai vir 5 minute vir die geure om te trou. Hou eenkant.

Hoender 
4 Hoender borsies, blokkies gesny
25ml Olyfolie
2 Seldery stingels, fyn gekap
1 Ui, ringe gesny
½ Pynappel, blokkies
8 Appelkose, gedroog, blokkies gensy
1t Fennegriek, geskroei, gemaal
1t Vinkel , geskroei, gemaal
250ml Room/ Melk/ Klappermelk/ Amandelmelk

Metode:
1. Braai die ui en seldery in olyf olie vir 2 minute. Voeg die hoender in klein hoeveelhede by om nie vog te trek nie, braai tot gaar. 

2. Rooster aan die eenkant die sade tot dit begin geure vrystel en voeg by die hoender. 

3. Voeg die pynappel, appelkose en gemaalde geroosterde sade by die mengsel en kook vir 5 minute. Voeg dan die room by en kook vir 5 minute.

4. Skep op hopies pêrel gort en garneer met geroosterde growwe klapper krulle, platblaar pietersielie, boontjie spruite.

English Version

Pearl Barley
500g Pearl Barley, dried
1 litre of water
5ml Salt
25ml Olive oil
1 Onion, diced fine
1 Red pepper, chopped fine

Method:
1. Boil water with salt and add the pearl barley to the water. Boil for 15 minutes and rinse. Boil another 15 minutes and rinse again. Boil until cooked. Alternatively to save time and electricity you can pre soak the pearl barley over night, rinse well, cook for 10 minutes.

2. Fry the onions and pepper together for 5 minutes and add pearl barley and fry for 5 minutes. Set aside and prepare the chicken.

Chicken 
4 Chicken breasts, cubed
25ml Olive oil
2 Celery sticks, chopped
1 Onion, rings
½ Pineapple, cubes
8 Apricots, dried, diced
1t Fenucreek, toasted, grinded
1t Fennel, taosted, grinded
250ml Cream/ Milk/ Coconut milk/ Almond milk

Method:
1. Fry the onions and celery for 2 minutes and add the chicken cubes in small batches. Fry the chicken until cooked and add the pineapple and apricots.

2. Roast the seeds and add to the chicken.

3. Add the cream and cook for 5 minutes. Serve ontop of a bed of pearl barley.

4. Garnish with shavings of roasted coconut, fresh flat leaf parsley and beansprouts.

Source: Annelien Pienaar, 2016, Cookery classes: boerekostwist@gmail.com
Amount: 6 portions