Woensdag, 20 Julie 2016

Tuis gemaakte Fondant / Homemade Fondant

Fondat kan self tuis vervaardig word. Maak seker dat jy ‘n goeie suiker termometer besit vir die werk. Wat basies gebeur is ‘n suiker stroop word gekook tot 115℃ en dan uitgegooi op ‘n werks oppervlakte en dan bewerk om suiker kristalle fyn te hou.

Nou goed, ek weet dit klink alles te goed om waar te wees...Jou vraag gaan wees: “Wat is die vang plek?”. Jou temperatuur kan jou moeilikheid gee, as jy nie presies meet nie en die mengsel is 1℃ uit mag die fondant pap wees, of as die fondant te hard en krummelrig is, het jy dit te lank of te hoog gekook. Hierdie suikerkuns is dus vir iemand se hand wat geduldig is en akkuraatheid van kardinale belang is. So, kom ons begin.

Resep
400g Wit suiker
250g Water (ja, jy het reg gelees, weeg die water!)
30ml Glukose wat met 30ml Water aangemaak is
2.5ml Kremetart (werk suiker kristal vorming teen...)
10ml Sonneblom olie


Metode:
1. Plaas suiker en water in ‘n kastrolletjie en plaas die deksel op. Oor matige hitte verhit die mengsel en maak van tyd tot tyd oop om te roer. Hierdie werk ook soos konfyt kook. Die kante van die kastrolletjie moet met ‘n nat kwassie gevee word om suiker kristalle op te los. Anders gaan jou fondant sandsuiker word. Die water en suiker moet eers opgelos wees voordat dit mag kook. Die feit dat die deksel opgesit word, help stoom produseer wat die suiker van die kante van die kastrol op ‘n natuurlike manier “afwas”. So, daar is dus twee maniere om van die suiker kristalle ontslae te raak.

2. Sodra die suiker kristalle opgelos het, voeg dan die opgeloste glukose by die kokende stroop. Die kookproses sal nou sonder ‘n deksel geskied want ons wil dat die vog verdamp sodat die stroop kan verdik. Indien jy sukkel om die glukose uit te meet en uit te skep, plaas in warm water of maak effens warm in mikrogolf vir 15 sekondes. 

3. Kook die mengsel oor matige hitte tot die suiker termometer 113℃ lees. Nou moet jy die heeltyd staan met die termometer en loer elke minuut. Sodra die meter 115℃ lees het die suiker stroop sagtebal stadium bereik. Verwyder onmiddellik van hitte.

4. Dit is baie belangrik dat jy nou op ‘n oppervlakte werk soos vlekvrye staal, marmer, graniet wat nie sal smelt of bars van die hitte van die warm fondant. Giet nou die stroop direk uit op die oppervlakte, jy het geen oppervlak voorbereiding nodig nie, giet! Laat die stroop vir 2-3 minute rus en spuit ‘n fyn sproei water oor om te verhoed dat die oppervlakte uitdroog. 

5. Jy het twee opsies om die fondant te werk:
a. Menger: Plaas die mengsel direk in meng bak, nie op oppervlakte nie. Laat afkoe vir 5 minute en meng met deeg hak op skakel 2.5 vir alle elektriese menges en werk die mengsel tot lig en sag. Moenie skrik as die mengsel ewe skielik klip harde brokkies word nie, druk dit aan mekaar en meng verder, dit sal weer sag word.

b. Met die hand: Ek verkies om met die hand hierdie werk te doen. Gebruik ‘n “putty mes” met ‘n bree plat punt voor of ‘n eierspaan. Skraap die fondant van buite na binne en draai dit soos jy werk, skep, smeer en skraap. Die mengsel sal dik en romerig word, soms bros. Druk die bros dele aan mekaar en brei in een bal saam. Knie en brei die bol tot glad en soos klei.

6. Stoor soos volg: Maak met kleef plastiek toe, plaas in sakkie en dan in bakkie in die yskas. Moet vir 1 uur of meer in yskas rus voordat dit gebruik kan word. Hierdie fondant maak ook die mooiste petit fours!


English Version
Recipe
400g White sugar
250g Water
30ml Glucose dissolved in 30g water
2.5ml Creme of tartar (prevents sugar crystals)
10ml Sunflower oil

Method:
1. Pour water and sugar in a sauce pan. Cover with lid and over moderate heat start to dissolve the sugar without boiling. Keep covered with a lid to steam of the sugar crystals from the sides of the pot. Alternatively use a pastry brush and wash the sides of the pan with water. 

2. When sugar has melted add the diluted glucose to the boiling syrup. Boil over moderate heat until the sugar syrup reaches 113℃ and start measuring the temperature each minute not to exceed 115℃ or softball stage.

3. Pour the syrup onto a heat resistant surface and let it sit for 2-3 minutes, spray one spray of water with the fine mist setting to prevent a crust forming.

4. Two methods of working the fondant:
a. Electrical mixer: pour the syrup directly into the bowl and not a surface. With the dough hook inserted start mixing the fondant on low speed of 2.5. The mixture will turn white. At some stage the mixture will turn hard. Stop squeeze together into a ball and turn the blade to start again.

b. By hand: This is my personal preferred method of making fondant: By using a broad tipped putty knife or egg lifter or ever pastry scraper...work the fondant from the outside in and turn it while doing it. So, scoop, spread, scrape...the fondant will turn into lumps, but not to worry. Squeeze small balls of fondant together and push it into one ball and knead until smooth and soft.

5. Once soft, store in cling wrap, inside zip lock bag and in airtight container. Use after 1 hour. Perfect to make Petit fours from...all home made.

Source: Annelien Pienaar, 2016, Icing classes contact: boerekostwist@gmail.com
Amount: 500g

Geen opmerkings nie:

Plaas 'n opmerking