Woensdag, 16 Maart 2016

Sagte broodrolletjies / Soft breadrolls

Ek was bederf met my ma se weergawe van haar vriendin se Amerikaanse Dinner rolls. Later toe ek brood as spesialiteitsveld kies met verdere studies het ek met nuwe oë na die resep gekyk en verstaan hoe hulle so sag kon uitkom.

Suiker, melk en botter het 'n versagtende effek op gluten. Gluten is die raamwerk van alle gebak wat gemaak word met koringmeel. Hierdie bestanddele het ook 'n natuurlike preserverings aksie op die deeg. Moenie jou klaar gebakte, afgekoelde broodjies in plastiek dadelik verpak nie. Plaas dit in of draai dit toe in bruinpapier om die krakerige korsie behoue te laat bly. Plaas dan die volgende dag in 'n plastiekhouer. Ek het nog 'n broodblik van hout en ek kom agter dat die brood beter "hou" in die hout blik....sal nog navorsing doen uitvind hoekom...Maar voor ons verder ondersoek instel, laat ons bak!

Resep
1kg Koekmeel
10g Sout
25g Suiker
40g Melkpoeier
65g Botter
10g Kits gis
1 Eier, liggies geklits
550g Water, lou (gram en ml vir water werk dieselfde uit) Om akkuraatheid vir die resep te verseker weeg ek vir goeie resultate altyd die water. Maatbekers is nie reg gekalibreer nie.

Metode:
1. Sif die droeë bestanddele saam en vryf die margarien met jou vingerpunte in.

2. Meng die water en eier by en meng totdat al die bestanddele goed gemeng is. Laat staan sonder om verder te knie vir 15minute vir die deeg om sterker gluten drade te vorm. Dit vergemaklik ook die knie proses.

3. Knie die deeg vir 8 minute totdat die deeg glad en elasties is.

4. Plaas in ‘n olie gesmeerde bak met ‘n deksel wat ook gesmeer is. Maak seker die bak is groot genoeg vir die deeg om dubbel sy volume te rys. Sodra die deeg dubbeld gerys het, ongeveer 30 minute, verdeel die deeg in 30 ewe groot bolletjies.

5. Vir hotdog rolletjies: rol eers die balletjies rond uit en rol dan plat met ‘n koekroller en rol dan van een punt op soos ‘n swissroll en plaas met die naat na onder op ‘n gesmeerde bakplaat.

6. Vir bolletjies: rol rond en plaas op bakplaat.

7. Laat gevormde broodjie vir 45-50 minute rys en bestryk met eier vir ‘n mooi glans lagie. Neem een eier en ½ t sout en meng met mekaar vir die glanslaag.

8. Bak die broodjies vir 12-15 minute by 230℃...ja jy het reg gelees...die tyd en temperatuur is korrek!

9. ‘n Wenk wat ek altyd gee vir ‘n ekstra sagte buite korsie vir kleiner broodjies is om ‘n vlek vryestaal bakkie onder in die oond te sit as dit voorverhit. Sodra die broodjies in die oond is plaas 5 blokkies is in die pannetjie om stoom te produseer vir die eerste 8minute. As jy sien die ys is klaar voeg nog drie blokkies by. Sodra die broodjies uit kom, spuit dit met melk. Plaas melk in ‘n spuit kannetjie en spuit met ‘n baie fynsproei.

10. Laat goed afkoel. Stoor die broodjies in bruinpapiersakkies vir die eerste dag en daarna in die papiersakkie binne ‘n plastiek sak om uitdroog te voorkom maar varsheid te behou.

Bron: Annelien Pienaar, www.bosenbergguestfarm.co.za, 2016 
Hoeveelheid: 30 rolletjies of 2 lang brode wat elk 15 snye lewer.

English Version
Recipe
1 kg cake flour
10 g salt
25 g sugar
40 g Milk powder
65 g butter
10 g instant yeast
1 egg, lightly beaten
550 g water, lukewarm (grams and ml of water works the same) to ensure accuracy of the recipe I weigh for best results always water. Measuring cups are not calibrated correctly.

Method:
1. Sift the dry ingredients together and rub the butter in with your fingertips.

2. Mix water and egg and mix until all ingredients are well blended. Leave without further knee for 15 minutes, to form stronger gluten wires. It also makes the kneading process easy.

3. Knead the dough for 8 minutes until the dough is smooth and elastic.

4. Place in a greased bowl with a lid that is also greased. Make sure the bowl is large enough for the dough to double its volume. Once the dough doubled about 30 minutes, divide the dough into 30 equal balls.

5. FOR HOT DOG ROLLS
Roll the balls round and then roll flat with a rolling pin and then roll from one end like a swissroll and place seam down on a greased baking sheet.

6. FOR BUNS
Rolls round and place on baking sheet.

7. Let shaped bread prove for 45 - 50 minutes and brush with egg for a nice glossy coat. Take 1 egg and ½ teaspoon salt and mix together for the gloss layer.

8. Bake the bread for 12 - 15 minutes at 230 ℃ ... yes you read right ... the time and temperature are correct!

9. A tip I always give for a extra soft outer crust for smaller rolls is to put a stainless steel bowl in the oven when preheated. Once the bread is in the oven put 5 blocks of ice in the pan to produce steam for the first 8 minutes. If you see the ice is finish add 3 more cubes. Once the bread is out out of the oven spray it with milk. Place milk in a spray bottle and spray with a very fine mist.
10. Cool the rollss. Save the rolls in brown paper bags for the first day and then in the paper bag inside a plastic bag to prevent drying out but to retain freshness.

SOURCE: Annelien Pienaar www.bosenbergguestfarm.co.za, 2016 


QUANTITY: 30 rolls or 2 long loaves that gives 15 slices.

Geen opmerkings nie:

Plaas 'n opmerking