Maandag, 21 Maart 2016

Honde koekies

Die bordjie lees: No Dog Biscuits Today!
Ek sal seker nooit groot word nie. Ek is gek na diere en het ‘n hele plaas vol van hulle...Skape,perde, honde, katte, ganse, visse en ook die kinders!

Ek geniet dit om ook gesonde bederfies vir hulle te maak. As ek honde opleiding doen dan is hierdie snoep happies net perfek vir die ekstra aanmoediging om die dier se aandag te trek en te hou! My katte hou ook van die snoepery...maak klein bolletjies vir hulle.

Onthou versoete grondbone botter met suiker of xylotol is uiters gevaarlik vir jou diere se gesondheid. Daarom gebruik ek net Blackcat Peanut botter omrede dit nie versoet is nie. Lees asb die etikette van produkte om seker te wees. Grondbone botter is propvol engergie vanwee die hoë protein en ook olie inhoud. Jou diere se pelse sal glinster. Dr Pienaar skryf dus een per dag voor...met liefde.

Resep
150g Koekmeel
15ml Bakpoeier
240g Grondbone botter
125ml - 250ml Melk
knippie sout

Metode:
1. Meng eers die grondbone botter en melk saam in ‘n voedsel verwerker. Voeg dan die meel en sout by en meng tot ‘n deeg.

2. Rol bolletjies of rol uit met rolstok en druk in vormpies.

3. Bak by 200℃ vir 10 minute of tot goudbruin. Laat goed afkoel voordat dit geblik word.

Bron: Annelien Pienaar
Hoeveelheid: Jy bepaal die grootte!

Geen opmerkings nie:

Plaas 'n opmerking