Donderdag, 07 Januarie 2016

AMARULA KOEK OF POEDING

Ons is so gelukkig om iemand in ons midde te hê wat weet hoe om heerlike Koeke en Poedings te maak. Tannie Phil van Eeden het die eerste keer op die blog gepost nadat sy haar heerlike vrugtekoek met my gedeel het en ek dit toe getoets het. Wel, ek kan vir julle met groot genoegdoening hierdie resep aanbeveel. Dit is ‘n treffer resep! Dankie tannie Phil vir die deel van jou juwele!

RESEP
60 ml Kakao
125 ml Kookwater
3 Eiers
220 ml Suiker
60 ml Olie
250 ml Koekmeel
10 ml Bakpoeier
2 ml Sout

METODE

1. Meng kakao met kookwater en laat afkoel.

2. Klits eiers, suiker en olie saam. Voeg koue kakao mengsel by en meng deeglik.


3.  Sif droë bestanddele by en meng goed. 


4. Skep in pan 22 cm x 30 cm en bak ongeveer 20 - 30 minute in 180 ˚ C oond. 


5. Prik met vurk as koek uit oond kom en gooi dadelik warm stroop oor. 


6. Laat goed afkoel en versier met styfgeklopte room. Indien verkies strooi flake oor. 

NIE PEPERMENTCRISP DIT BEDERF AMURULA SMAAK!

STROOP

200 ml Suiker 
250 ml Water (kan met helfte room vervang word vir ryker smaak)
60 ml Amarula Likeur (of enige ander room likeur)
1 blik Karamel kondensmelk
250 ml Room - styf geklop
2 - 3 Flake sjokalades - gebreek

METODE

1. Kook suiker, en water 5 minute saam en verwyder van plaat. Voeg Amurula by en roer goed deur.

2. Gooi oor warm mengsel oor geprikte koek.


3. Ek sit koek in yskas sodra hy afgekoel het. Wanneer baie koud smeer ek karamel oor en dan sit ek room oor met flake bo oor gestrooi. 


HOEVEELHEID: 1 pyrex bak vol, kan ook in koekpanne gebak word.


BRON: Phil van Eeden, 2016, www.bosenbergguestfarm.co.za


Geen opmerkings nie:

Plaas 'n opmerking