Dinsdag, 15 September 2015

MURGPAMPOEN LASAGNE

Wat gemaak as jy nie lasagne velle in die huis het nie? Wel onlangs het die ongeluk my getref dat ek beide meel en pasta velle uit voorraad gehardloop het. Ek pluk die yskas se deur oop met die hoop dat daar ‘n antwoord sal uitspring! Die sous en vleis is reeds klaar, wat nou. Loop na die groente tuin met die hoop op ‘n antwoord en daar hang toe die lieflikste vet murgpampoen vir my en loer. Ek het hom goed geskrop en hy was breed soos ‘n lasagne vel. Ek sal as daar murgpampoen in voorraad is altyd die pampoen in plaas van die pasta velle gebruik.

RESEP
VLEIS VULSEL
1 kg Maer maalvleis
2 Seldery stingels - fyn gekap
4 Wortels - gerasper
1 Ui - fyn gekap
4 Salami velletjies - fyn gekap
1 Knoffeltoontjie
2 e Origanum
2 e Olyfolie
Sout en peper na smaak
Kaas vir sprinkel bo op indien verkies

METODE
1. Braai die ui en seldery totdat die ui glansend en deurskynend is. Voeg die res van die bestanddele by en kook totdat die maalvleis gaar en droog is.

MEDIUM WITSOUS
500 ml Melk
50 g Botter of bak margarien
50 g Koekmeel
knippie Neutmuskaat
Sout en peper na smaak

METODE
1. Smelt die botter oor lae hitte in kastrol. Voeg die koekmeel by en roer goed deur.

2. Voeg die melk by en met ‘n ballon klitser klits totdat die mengsel goed verdik het. Moenie die sous vir ‘n oomblik los nie. Dit kan klonte maak of een bol word. Roer manne roer!

3. Sodra die sous verdik het en 2 minute gekook het op medium hitte, verwyder van stoof en begin met die aanmekaar sit van die lasagne.

4. Sny die murgpampoen in 5mm dik repe en hou eenkant.

AANMEKAAR SIT VAN LASAGNE
1. Sprei eers ‘n laag witsous onder in die bak gevolg deur murgpampoen en laaste vleis. Herhaal nog 2 keer en eindig met witsous. Sprinkel kaas en ekstra origanum oor indien verkies.

2. Lekker eet!

HOEVEELHEID: 4 - 6 porsies.

BRON: Annelien Pienaar.




1 opmerking: