Saterdag, 26 September 2015

KARAMEL SOUS

My moeder se Karamel sous was legendaries...Maak sommer 'n glas flessie vol en hou vir daardie onweersdae wat jou gemoed 'n maalkolk is en jy 'n soete troos nodig het. Vir my is hierdie sousie heerlik as ek roomys maak en dan gooi ek sulke blotse oral oor die roomys soos ek die lae pak. Gebruik saam met warm gebakte wafels en room...ja, die sousie is nie vir die "feint haerted" nie!

RESEP
1½ k Sagte bruinsuiker
6 e Melk (met 6 e melk kan die sous baie dik wees, as jy dit meer loperig wil hê voeg net meer melk by, nie meer as 12 e nie).
6 e Botter, ongesout
½ t Sout
1 k Versiersuiker

METODE
1. Verhit die suiker, melk en botter oor lae hitte totdat die suiker opgelos het. Kook dan vir ‘n verdere 2 minute. Verwyder van hitte en skep oor in mengbak.

2. Voeg die versiersuiker by en klop totdat die mengsel goed afgekoel het na kamertemperatuur. Jy kan met ysbak die temperatuur vinniger afbring.

GEBRUIKE
1. Doop koekies en doughnuts in die sous.

2. Dekoratiewe sous oor koeke en terte.

3. Roomys en neute.

4. Tussen koek lae, maak dan die sous net met 6e melk.

HOEVEELHEID: Ongeveer 400 g.

BRON: Annelien Pienaar.

Geen opmerkings nie:

Plaas 'n opmerking