Dinsdag, 21 April 2015

ROG BROOD


LES
1. Rog meel het 'n ongelooflike lae gluten inhoud en word in die industrie vermeng met koringmeel om dit 'n beter tekstuur en hoër rys te gee. Daarom moet jy seker maak dat wanneer jy rogbrood koop vir jou kind wat allergies is vir gluten, jy moet vra of dit vermeng is met koringmeel.

2. Die verhouding koringmeel tot rogmeel verskil maar ek gebruik 'n 40% koringmeel tot 60% rogmeel, soms 50/50.

3. Suiwer rogbrood se tekstuur is swaar en dig. Daar word ook 'n suur bygevoeg om die rogmeel nie so klewerig te maak nie.

4. Hier word met suurdeeg gewerk en verkieslik moet al die bestanddele by kamertemperatuur gebruik word.

RESEP
250 g rog meel
250 g koekmeel of steen gemaalde witbrood meel
10 ml wit asyn
1 sakkie kits gis
10 ml suiker
5 ml sout
250 - 300 ml sterk lou water

METODE
1. Sif die droë bestanddele behalwe die gis saam. Voeg laaste die gis by.

2. Voeg die water by die meel mengsel en werk eers met hand deur, begin dan die deeg te knie, hier kan jy dit met die hand doen of met die klitser (maak seker jy gebruik die deeg knie spaan).

3. Jy sal 'n stywe deeg kry. Pas die vog volgens dit aan. Knie die deeg vir 10 minute totdat dit los kom van die kante en ook glad en elasties word.

4. Laat die deeg vir 30 minute rus. Knie die deeg af en vorm dit.

5. Die rogdeeg kan in 'n ronde bak wat met 'n afdroogvadoek uitgevoer is en met koekmeel besprinkel is, geplaas word vir die 2de rys om dit 'n mooi vorm te gee. Sodra dit klaar gerys het kan jy dit op 'n bakplaat uitkeer en die bokant met 'n baie skerp messie patroontjies sny.

6. Laat weer dubble die volume rys, kan ongeveer 30 - 60 minute neem afhangende van die temperatuur in die kombuis.

7. Bak by 180 ˚ C vir 25 - 30 minute met 'n bakkie water onder in die oond om stoom te produseer om te voorkom dat die brood hard en droog word.

1 ronde of langwerpige rogbrood.

BRON: Annelien Pienaar.


Geen opmerkings nie:

Plaas 'n opmerking